អនុវត្តគន្លឹះទាំង៤នេះ ដើម្បីអភិវឌ្ឍខ្លួនឆ្ពោះទៅកាន់វិថីជោគជ័យនៃជីវិត
សព្វថ្ងៃនេះមនុស្សមួយចំនួន ហាក់បីដូចជាពេញចិត្តជាមួយស្ថានភាពរស់នៅសព្វថ្ងៃរបស់ខ្លួនជាខ្លាំង ពោលគឺពួកគេមិនសូវជាបានយកចិត្តទុកដាក់ក្នុងការអភិវឌ្ឍខ្លួនឯងឲ្យរីកចម្រើនជាងមុនប៉ុន្មានទេ។ វិធីខាងក្រោមទាំង៥នេះអាចជួយឲ្យអ្នកអាចធ្វើការអភិវឌ្ឍខ្លួនបានល្អជាងមុន៖
១) ព្យាយាមនៅក្បែរមនុស្សដែលពូកែ៖ ប្រសិនបើអ្នកជាមនុស្សដែលពូកែជាងគេនៅក្នុងក្រុម ឬថ្នាក់របស់អ្នក អ្នកគួរតែចាប់ផ្ដើមធ្វើការផ្លាស់ប្ដូរថ្នាក់ ឬក៏ក្រុមរបស់អ្នក ហើយទៅរកអ្នកដែលមានសមត្ថភាពពូកែជាងអ្នក។ ធ្វើបែបនេះទើបអ្នកអាចដឹងពីសមត្ថភាពរបស់ខ្លួនឯងពិតប្រាកដ។
២) នៅពេលដែលអ្នកមានការប្រកួតប្រជែង ឬមានសម្ពាធ៖ ការប្រកួតប្រជែងនឹងធ្វើឲ្យអ្នក ក្លាយជាមនុស្សម្នាក់ដែល មានការខិតខំជាងមុន ដើម្បីត្រៀមខ្លួនឲ្យបានល្អ ដូច្នេះហើយអ្នកក៏មានឱកាសក្នុងការអភិវឌ្ឍន៍ខ្លួន កាន់តែប្រសើរជាងមុនផងដែរ។
៣) នៅពេលដែលអ្នកមានការតាំងចិត្តខ្ពស់៖ មានមនុស្សជាច្រើនបានតាំងចិត្តចាប់ផ្ដើមធ្វើរឿងមួយចំនួន ដែលពួកគេចង់ធ្វើ តែមួយចំនួនធំនៃមនុស្សទាំងនោះមិនបានបញ្ចប់ការងារនោះទេ។ បញ្ហានៅត្រង់ថា អ្នកខ្លះតាំងចិត្តបានតែដំបូងៗ ហើយពេលជួបបញ្ហាក៏ស្រឡាំងកាំង លែងចង់ធ្វើទៀត ដូច្នេះហើយក៏បរាជ័យ។ ប្រសិនបើអ្នកចង់ជោគជ័យ និង ចង់អភិវឌ្ឍខ្លួនពីមួយថ្ងៃទៅមួយថ្ងៃមែននោះ គឺគួរតែតាំងចិត្តឲ្យខ្លាំង ហើយព្យាយាមធ្វើវារហូតដល់ដំណាក់កាលចុងក្រោយ។
៤) នៅពេលដែលអ្នកជួបប្រទះនូវភាពបរាជ័យច្រើនដង៖ មិនថាជោគជ័យឬបរាជ័យ វាសំខាន់ថាតើអ្នកគិតបែបណាចំពោះរឿងរ៉ាវដែលកើតឡើង។ តើអ្នកនឹងរើសយកការពិបាកចិត្តដោយមិនប្រឹងប្រែងបន្ត ឬ អ្នកជ្រើសរើសការទទួលយកភាពបរាជ័យនោះ ហើយយកវាធ្វើជាស្ពានក្នុងការដើរទៅរកភាពជោគជ័យ? ការសម្រេចចិត្តគឺស្ថិតនៅលើអ្នកតែម្នាក់គត់៕
ដោយ៖ តូច ម៉ាយ៉ារស្មី
