សម្រាប់សិស្សមហាវិទ្យាល័យ គួរឆ្លៀតពេលប្រើគេហទំព័រ៩នេះឲ្យបានច្រើន តាមតែអាចធ្វើបាន
ជាទូទៅសិស្សមហាវិទ្យាល័យមានការមមាញឹកជាមួយនឹងកិច្ចការសាលា កិច្ចការផ្ទះ និងត្រូវស្រាវជ្រាវបន្ថែមទាំងមេរៀនដែលពួកគេបានរៀន និងមិនទាន់បានរៀនជាដើម។ ឥឡូវអ្នកនឹងលែងមានបញ្ហាជាមួយរឿងទាំងអស់នេះទៀតហើយ បន្ទាប់ពីបានបើកមើលគេហទំព័រទាំង៩នេះ៖
១) RogerHub.com៖ គេហទំព័រមួយនេះនឹងជួយអ្នកគណនាចំណាត់ថ្នាក់របស់អ្នកមិនថាជាពិន្ទុ ឬជាភាគរយ ឲ្យអ្នកបានដឹងមុនដោយមិនបាច់រង់ចាំលទ្ធផលសាលារៀនចេញនោះទេ។
២) Grammarly.com៖ អ្នកមិនចាំបាច់ព្រួយបារម្ភពីការសរសេរខុសវេយ្យាករណ៍ ខុសពាក្យ ឬទម្រង់ពាក្យនោះទេ។
៣)Tutor.com៖ គ្មានអ្នកជួយបង្រៀនមែនទេ? Tutor.com នឹងជួយបង្រៀនអ្នករហូតទៅដល់៤០មុខជាង ដូចជាគណិតវិទ្យា វិទ្យាសាស្ត្រ សង្គមវិទ្យា និងអង់គ្លេសជាដើម មិនថាពេលណាក៏ដោយ។
៤) InternMarch.com៖ គេហទំព័រនេះនឹងជួយអ្នកឲ្យរកបានការងារណាដែលត្រូវនឹងចំណង់ចំណូលចិត្ត ទេពកោសល្យ និងសមត្ថភាពរបស់អ្នក។
៥)Quizlet.com៖ គេហទំព័រនេះមានវិធីសាស្ត្រក្នុងការរៀនមុខវិជ្ជាដែលយើងចង់អភិវឌ្ឍបានយ៉ាងល្អ ព្រមទាំងមានល្បែងកម្សាន្តដែលទាក់ទងជាមួយមុខវិជ្ជាដែលយើងកំពុងតែសិក្សាផងដែរ។
៦) StudentRate.com៖ គេហទំព័រនេះនឹងជួយអ្នកគិតគូរអំពី ការចំណាយចំណាយផ្សេងៗ ដូចជាការទិញរបស់ផ្សេងៗដែលទាក់ទងនឹងការសិក្សា សំលៀកបំពាក់ ការហូបចុក ឬការដើរកម្សាន្តជាដើម។
៧)KhanAcademy.com៖ គេហទំព័រនេះមានការពន្យល់បែបសម្រាយទៅលើមុខវិជ្ជាពិបាកមួយចំនួនដូចជា គណិតវិទ្យា ប្រវត្តិសាស្ត្រ សេដ្ឋកិច្ច គីមីវិទ្យា ជីវវិទ្យា និងហិរញ្ញវត្ថុជាដើម ហើយថែមទាំងមានការ Upload នៅលើ YouTube ថែមទៀតផង។
៨)WolframAlpha.com៖ ទោះបីជា Google មានព័ត៌មានឬមានចម្លើយទាំងអស់ក៏ពិតមែន តែគេហទំព័រនេះមានលក្ខណៈគួរឲ្យទុកចិត្តច្រើន បើគិតទៅលើប្រភព។
៩) Ted.com៖ នេះគឺជាគេហទំព័រដ៏អស្ចារ្យមួយក្នុងចំណោមគេហទំព័រល្អៗទាំងអស់ ព្រោះវាមានការចែករំលែកជាច្រើនពីវាគ្មិនដែលមានភាពជោគជ័យខ្ពស់ និងមានភាពឆ្លាតវៃកម្រិតពិភពលោកផងដែរ៕
