រឿង៤យ៉ាងដែលអ្នកគួរតែចងចាំ ដើម្បីធ្វើឲ្យជីវិតអាពាហ៍ពិពាហ៍របស់អ្នកមានភាពរុងរឿង
អាពាហ៍ពិពាហ៍ជោគជ័យមិនមែនត្រឹមតែកសាងដោយក្ដីស្រលាញ់នោះទេ តែការការលះបង់ ការលើកទឹកចិត្ត ការអាណិត និងការទុកចិត្តផងដែរ។ ដើម្បីធ្វើឲ្យជីវិតអាពាហ៍ពិពាហ៍មានភាពស្ថិតស្ថេរបានយូរអ្នកគួរតែចងចាំចំណុចទាំង៤យ៉ាងខាងក្រោមនេះ៖ ១) ចេះទទួលកំហុស៖ទោះបីអ្នកខុសតិចឬខុសច្រើនក្ដី អ្នកគួរតែចេះទទួលស្គាល់ថាខ្លួនឯងក៏មានចំណែកខុសដែរ។ ហេតុអ្វី? ព្រោះថាជីវិតគូស្នេហ៍មិនមែនជាការប្រកួតប្រជែងយកចាញ់ឈ្នះនោះទេ តែអ្វីដែលអ្នកត្រូវដឹងនោះគឺថាអ្នកត្រូវតែឲ្យតម្លៃនិងចេះយល់ពីអារម្មណ៍ដៃគូរបស់អ្នក។ ២) ត្រូវតែទទួលស្គាល់ថាជីវិតគូស្នេហ៍ មិនមែនសុទ្ធតែឥតខ្ចោះទាំងអស់នោះទេ៖ អ្នកត្រូវតែចងចាំថាជីវិតអាពាហ៍ពិពាហ៍ដែលអ្នកស្រមៃនិងភាពជាក់ស្ដែងមិនអាចដូចគ្នាទាំងស្រុងនោះទេ។ យ៉ាងណាមិញ អ្នកគួរតែចេះយល់ពីគ្នាទៅវិញទៅមក។ ៣) ហាមមានអ្នកទីបី៖ នេះជាបញ្ហាមួយដែលភរិយាជាច្រើនមានការព្រួយបារម្ភខ្លាចថាស្វាមីមានអ្នកទី៣នៅខាងក្រៅ។ ដូចនេះមុននឹងអ្នកសម្រេចចិត្តរៀបការ អ្នកគួរគិតគូរឲ្យបានម៉ត់ចត់ថាអ្នកពិតជាស្រលាញ់ដៃគូរបស់អ្នកពិតប្រាកដដែរឬអត់ ហើយអ្នកនឹងមានភាពទទួលខុសត្រូវគ្រប់គ្រាន់ដែរឬមួយក៏អត់ទេ។ ៤)កុំប្រើអំពើហិង្សា៖ ការប្រើអំពើហិង្សាមិនអាចដោះស្រាយអ្វីបានឡើយ ហើយវារឹតតែធ្វើឲ្យយើងខាតបង់ទៅវិញនោះទេ។ យ៉ាងណាមិញ បើសិនជាអ្នកមានបញ្ហាជាមួយដៃគូរបស់អ្នក អ្នកគួរតែសម្រួលអារម្មណ៍ឲ្យបានល្អនិងនិយាយគ្នាដោយបើកទូលាយ។ ប្រែសម្រួល៖ តូច ម៉ាយ៉ារស្មី ប្រភព៖ www.cheatsheet.com
