ចិន​បាន​បង្ហាញ​ យន្តហោះ​ដឹក​អ្នកដំណើរ​ដែល​ផលិត​នៅ​ក្នុង​ស្រុក​ដំបូង​​គេ​របស់​ខ្លួន​ ​ក្នុង​ទីក្រុង​ Shanghai​ កាល​ពី​ថ្ងៃ​ចន្ទ​ ដើម្បី​បង្អួត​អំពី​លក្ខណ​ពិសេស​ដល់​​​អ្នក​ដំណើរ​។​ ​​យន្តហោះ​ដឹក​អ្នក​ដំណើរ​ ដំបូង​គេ​បង្អស់​ដែល​ផលិត​ដោយ​ក្រុម​ហ៊ុន​របស់​ចិន​នេះ​ មាន​ឈ្មោះ​ថា C919​ ដែល​ផលិត​ដោយ​ក្រុមហ៊ុន COMAC​ ។​ វា​ត្រូវ​បាន​គេ​បង្កើត​ឡើង​ ដើម្បី​ប្រកួត​ប្រជែង​ជាមួយ​នឹង​ជា​មួយ​​នឹង​​យន្តហោះ​ដឹក​អ្នកដំណើរ​របស់​ក្រុមហ៊ុន​Airbus និង​ Boeing​។ C919​​ ​​អាច​ផ្ទុក​អ្នក​ដំណើរ​បាន​ចំនួន​ ១៥៨​នាក់​ ​ដែល​អាច​​ហោះហើរ​បាន​​ចម្ងាយ​ ៤ ០៧៥​គីឡូម៉ែត្រ​ ​ហើយ​ក៏​មាន​​​គម្រោង​នឹង​ពង្រឹង​​សមត្ថភាព​ហោះហើរ​រហូត​ដល់​ ៥ ៥៥៥​គីឡូម៉ែត្រ​​។ ​​យន្តហោះ​ផលិត​ដោយ​ចិន​ដំបូង​​​នេះ ​​គ្រោង​នឹង​ចេញ​ហោះហើរ​ដំបូង​នៅ​ឆ្នាំ​២០១៦​​ដ៏​ខ្លី​ខាង​មុខ​ ​ដើម្បី​ធ្វើ​ការ​​​សាកល្បង ​ហើយ​​ការ​សម្រេច​ជា​ផ្លូវការ​ប្រហែល​ជា​នៅ​ចុង​ឆ្នាំ​២០១៨​៕ ​ទស្សនា​វីដេអូ​៖