ក្រុមហ៊ុនអាកាសចរណ៍អាក្រក់បំផុតទាំង ១០ក្នុងលោក
សារព័ត៌មានអង់គ្លេស The Independent បានចុះផ្សាយបង្ហាញពីចំណាត់ថ្នាក់ក្រុមហ៊ុនអាកាសចរណ៍ដែលមានគុណភាពអន់បំផុតក្នុងលោកទាំង ១០ ដោយផ្អែកតាមការវាយតម្លៃ និងដាក់ពិន្ទុដោយ AirHelp។
AirHelp បានដាក់ចំណាត់ថ្នាក់តាមរយៈការស្ទង់មតិទៅលើអតិថិជន។ ក្រុមហ៊ុននេះបានឱ្យដឹងថា ៖«ការធ្វើដំណើរតាមផ្លូវអាកាសគឺមិនមែនផ្ដល់សេវាតាមតែតម្លៃនៃសំបុត្រយន្តហោះនោះទេ ប៉ុន្តែផ្ទាំងដាក់ពិន្ទុ (scorecard) ក៏ផ្ដល់ចំណាត់ថ្នាក់ទៅលើការយកចិត្តទុកដាក់អតិថិជន (សេវាកម្ម) ការខកខានមិនបានហោះហើរ ការពន្យារពេលហោះហើរ និងការលុបជើងហោះហើរជាដើម»។
ខាងក្រោមនេះ គឺជាក្រុមហ៊ុនចំនួន ១០ដែលត្រូវបានចាត់ថ្នាក់ថា មានគុណភាពអន់បំផុតក្នុងលោក៖ ១) Sata (ក្រុមហ៊ុនតូចមួយមានមូលដ្ឋាននៅ Azores ចំណាត់ថ្នាក់អន់បំផុត) ២) easyJet (ក្រុមហ៊ុនអាកាសចរណ៍អង់គ្លេស ដឹកអ្នកដំណើរច្រើនជាងគេបំផុតក្នុងចំណោមក្រុមហ៊ុនអង់គ្លេស) ៣) Virgin Atlantic ក្រុមហ៊ុនអាកាសចរណ៍មានមូលដ្ឋាននៅសហរដ្ឋអាមេរិក ៤) HB-JHH ក្រុមហ៊ុនអាកាសចរណ៍របស់ស្វីស ៥) TAP Portugal ក្រុមហ៊ុនអាកាសចរណ៍ព័រទុយហ្គាល់ ៦) AerLingus ក្រុមហ៊ុនអាកាសចរណ៍អៀរឡង់ ៧) Iberia ក្រុមហ៊ុនអាកាសចរណ៍ អេស្ប៉ាញ ៨) Alitalia ក្រុមហ៊ុនអាកាសចរណ៍ អ៊ីតាលី ៩) Icelandair ក្រុមហ៊ុនអាកាសចរណ៍ អៃឡែន ១០) Norwegian Air Shuttle ក្រុមហ៊ុនអាកាសចរណ៍ ន័រវែស សូមបញ្ជាក់ថា AirHelp ដាក់ចំណាត់ថ្នាក់ទៅលើបីចំណុចគឺ គុណភាព ការពន្យារពេលហោះហើរ និងការទារសំណងពីអ្នកដំណើរ៕ ដោយ៖ រតនៈវិភូ
