វិធី៤យ៉ាងដែលមនុស្សចេះគិតគូរដិតដល់ធ្វើ មុនពេលម៉ោង១០ព្រឹក
មុននឹងដល់ម៉ោង១០ព្រឹក មនុស្សដែលចេះគិតគូរដិតដល់ តែងប្រើប្រាស់ពេលវេលាទាំងនោះដើម្បីធ្វើរឿងមួយចំនួន ដែលអាចឱ្យពួកគេទទួលបានជោគជ័យនៅថ្ងៃអនាគតរួមមាន៖
១) ក្រោកពីគេងព្រលឹមបន្តិច៖ ត្រូវចេះបង្រៀនខ្លួនឯងឱ្យមានទម្លាប់ឆាប់ចូលគេង និងក្រោកពីគេងក៏លឿនដូចគ្នាដែរ។ នៅពេលអ្នកក្រោកពីព្រលឹម អ្នកអាចមានពេលវេលាច្រើនក្នុងការរៀបចំខ្លួននិងកាលវិភាគនានាដោយគ្មានការប្រញាប់ប្រញាល់។
២) ចំណាយពេលវេលាខ្លះៗ ដើម្បីធ្វើសមាធិនៅផ្ទះ៖ ពេលព្រឹកគឺជាថ្ងៃចាប់ផ្ដើមថ្មីនៃជីវិតរបស់មនុស្សម្នាក់ៗ។ នៅពេលអ្នកនៅម្នាក់ឯងអ្នកគួរតែសមាធិសញ្ជប់សញ្ជឹង ហើយនិយាយមកកាន់ខ្លួនឯងនូវអ្វីដែលអ្នកចង់និយាយ។
៣) ហាត់ប្រាណ៖ ការធ្វើលំហាត់ប្រាណពេលព្រឹក ការដើរ ការហាត់Yoga អាចធ្វើឱ្យលោកអ្នក ចាប់ផ្ដើមថ្ងៃថ្មីជាមួយនឹងអារម្មណ៍ដ៏ស្រស់ស្រាយបានផងដែរ។
៤) សម្លឹងទៅកាន់ពិភពលោកខាងក្រៅ៖ អ្នកត្រូវចេះស្រាវជ្រាវពីបញ្ហានានាព័ត៌មានក៏ដូចជាព្រឹត្តិការណ៍ដែលកើតមានឡើងជុំវិញខ្លួនអ្នក។ អ្នកអាចនឹងទទួលអ្វីដែលអ្នកចង់បានដោយគ្រាន់តែជួយអោយអ្នកដទៃទទួលអ្វីដែលគេចង់បាន៕
ប្រែសម្រួល៖ ព្រំសុវណ្ណកណ្ណិកា
ប្រភព៖ ziglarvault.com
