វាមិនមែនជារឿងងាយទេដែលអ្នកចង់សម្រេចការងារអោយជោគជ័យនោះ។ តើមនុស្សដែលជោគជ័យមួយចំនួន អាចសម្រេចការងារជោគជ័យតាមវិធីណាឬគ្រាន់តែជាសំណាងរបស់ពូកគេ? នេះជាបុគ្គលមួយចំនួនដែលអ្នកគួរដឹង៖
១) Jeff Bridges ៖ លោកគឺជាតារាសម្ដែងសញ្ជាតិអាមេរិកដែលទទួលបានពានរង្វាន់Acaemy Award Wining Actor។ ពេលនោះគាត់បានធ្លាក់ប្រជាប្រិយភាពយ៉ាងខ្លាំង។ តែគាត់ក៏បានធ្វើការសម្រេចចិត្តមួយដោយប្ដេជ្ញាថានឹងចូលសម្ដែងក្នុងរឿង The Iceman Cometh ។ បន្ទាប់ពីគាត់ដឹងថាអ្នកដឹកនាំរឿងពេញចិត្តនឹងលោក លោកក៏បានបន្តការខិតខំរបស់លោកជាបន្តបន្ទាប់ រហូតស្តាមុខមាត់ឡើងវិញ និង ជោគជ័យខ្លាំងក្នុងអាជីព។
២) Colonel Sanders ៖ លោកគឺជាអ្នកធ្វើជំនួញជនជាតិអាមេរិក និងជាម្ចាស់ហាង Kentucky Fried Chicken តែលោកតែងជួបប្រទះពីភាពបរាជ័យជារឿយៗ។ មុនដំបូងឡើយគាត់មិនមានគំនិតក្នុងការបង្កើតភោជនីយដ្ឋានទេ។ គាត់វិនិយោគទៅលើFraincise Model មួយដែលមានមនុស្សជាច្រើនកំពុងវិនិយោគតែវាក៏បានបរាជ័យ។ ទើបចុងក្រោយលោកសម្រេចចិត្តបើកហាងលក់មាន់បំពងមួយហើយទទួលបានភាពជោគជ័យយ៉ាងខ្លាំងតែម្ដង។
៣) Thomas Edison៖ គាត់តែងតែជួបរឿងបរាជ័យជាហូរហែតែគាត់មិនដែលលះបង់ការតស៊ូដែលគាត់មាននោះទេ។ ពេលគាត់នៅជាសិស្ស គ្រូរបស់គាត់ថាគាត់ជាក្មេងដែលល្ងង់ម្នាក់។ ហើយគាត់ក៏ធ្លាប់បានគេបណ្ដេញចេញដោយសារធ្វើការមិនល្អ។ ប៉ុន្តែក្រោយមក គាត់គឺជាអ្នកជំនួញដ៏ល្បីម្នាក់។
៤) Michael Jordan៖ លោកគឺជាកីឡាករបាល់បោះអាជីពម្នាក់នៅសហរដ្ឋអាមេរិក។ លោកទទួលបានNBA Champion Rings និងពានរង្វាន់ទៀតជាច្រើន។ តែងាកទៅរកអតីតកាលវិញគាត់មិនដែលជាប់ជាជម្រើសដំបូងក្នុងការប្រកួតរបស់សាលានោះទេ។ គាត់បានសម្រេចចិត្តយកឈ្នះភាពភ័យខ្លាចដែលគាត់មានហើយ ពេលនេះគាត់ក៏បានក្លាយជាSuper Star Basketball នៅរដ្ឋ North Carolina។
៥) Stephen King ៖ លោកគឺជាអ្នកនិពន្ធដ៏ល្បីសញ្ជាតិអាមេរិក។ ដែលសៀវភៅសឹងតែពាក់កណ្ដាលដែលយើងធ្លាប់បានអានគឺសុទ្ធតែចេញពីគំនិតរបស់គាត់។ នៅពេលមួយប្រពន្ធរបស់គាត់បានបង្កើតសៀវភៅCarrie out of the trash តែត្រូវបានច្រានចោលដោយអ្នកបោះពុម្ពចំនួន៣០ដង។តែលោកមិនបោះបង់ទេ ។ លោករឹតតែព្យាយាមគិតនិងផ្ដោតសំខាន់ទៅលើវាសារជាថ្មីម្ដងហើយម្ដងទៀតរហូតទទួលបានជោគជ័យ។
៦) Elvis Presley៖ គាត់គឺជាតារាចម្រៀងនិងតារាសម្ដែងនៅសហរដ្ឋអាមេរិក។ តែមុនដំបូងឡើយគាត់ជាអ្នកបើកឡានដឹកទំនិញប៉ុណ្ណោះ។ បន្ទាប់ពីលោកបានបង្ហាញការសម្ដែងជាលើកទីមួយអ្នកគ្រប់គ្រងលោកបាននិយាយថាលោកគួរតែវិលទៅរកការងារចាស់វិញទៅល្អជាង។ប៉ុន្តែគាត់ក៏បានត្រលប់មកវិញជាមួយនឹងបទJailhouse Rockដែលមនុស្សរាល់គ្នាអត់ពុំបាន៕
ប្រែសម្រួល៖ព្រំសុវណ្ណកណ្ណិកា
ប្រភព៖www.cheatsheet.com
