អនុវត្តចំណុចសាមញ្ញទាំង៥នេះ ដើម្បីរស់នៅឲ្យមានសេចក្ដីសុខជារៀងរាល់ថ្ងៃ
តើអ្នកចង់រស់នៅឲ្យមានសេចក្ដីសុខជាងរាល់ថ្ងៃនេះទេ? បើបែបនោះពិតមែន អ្នកគួរតែធ្វើល្អចំពោះខ្លួនឯងឲ្យបានច្រើនដូចជាចំណុចប៉ុន្មានខាងក្រោមនេះ៖
១) ស្ដាប់ខ្លួនឯង៖ អ្នកគួរតែស្ដាប់ខ្លួនឯងឲ្យបានច្រើនថាខ្លួនឯងចង់បានអ្វីឬចូលចិត្តអ្វី ហើយព្យាយាមកុំរិះគុណពីខ្លួនឯងច្រើនពេក។
២) ចេះអភ័យទោសឲ្យខ្លួនឯង៖ អ្នកណាក៏ធ្លាប់មានកំហុសហើយស្ដាយក្រោយពីអ្វីដែលខ្លួនបានធ្វើដែរ តែអ្វីដែលសំខាន់នោះគឺអ្នកចេះអត់អោនឲ្យខ្លួនឯង ផ្ដល់ឱកាសឲ្យខ្លួនឯង។
៣) ទទួលចំណុចអវិជ្ជមានរបស់ខ្លួនឯង៖ អ្នកគួរតែស្គាល់ពីភាពខ្លាំងនិងភាពខ្សោយរបស់ខ្លួនអ្នកហើយ យ៉ាងណាមិញអ្នកមិនគួរផ្ដោតទៅលើអ្វីដែលអ្នកដទៃគិតពីអ្នកពេកនោះទេ ផ្ទុយទៅវិញអ្នកគួរតែទទួលយកអ្វីដែលខ្លួនឯងមានហើយព្យាយាមអភិវឌ្ឍវាឲ្យល្អជាងមុន។
៤) ចៀសវាងពិសាគ្រឿងស្រវឹង៖ វាមិនត្រឹមតែប៉ះពាល់ដល់សុខភាពរបស់អ្នកនោះទេ វាថែមទាំងធ្វើឲ្យអ្នកមានអារម្មណ៍មិនល្អទៀតផងទោះបីជាពេលខ្លះវាអាចជួយឲ្យអ្នកបំភ្លេចបាននូវរឿងមួយចំនួនក៏ដោយ។
៥) កុំភ្លេចអាហារពេលព្រឹកឲ្យសោះ៖ ទោះបីជាអ្នករវល់យ៉ាងណាក៏ដោយ អ្នកមិនគួរភ្លេចនូវអាហារពេលព្រឹកនោះទេព្រោះវាត្រូវបានគេចាត់ទុកថាអាហារដែលសំខាន់បំផុតក្នុងចំណោមអាហារទាំង៣ពេល។
ប្រែសម្រួល៖ តូច ម៉ាយ៉ារស្មី
ប្រភព៖ www.lifehack.org
