លេសដ៏ពេញនិយម៤យ៉ាងដែលធ្វើឲ្យអ្នក មិនអាចងើបមុខរួចពីបំណុលអស់មួយជីវិត
បំណុលនឹងបំផ្លាញ់ជីវិតអ្នកទាំងស្រុង ប្រសិនបើមិនអាចដោះស្រាយបាន។ អ្វីដែលល្អបំផុតក្នុងសម័យកាលនេះគឺ សងបំណុលរបស់អ្នកអោយអស់ និងចាប់ផ្ដើមសន្សំនិងមានផែនការសម្រាប់អនាគតរបស់អ្នក។ ខាងក្រោមនេះជាលេសចំនួន៤យ៉ាង ដែលធ្វើអោយអ្នកនៅតែជំពាក់បំណុលគេ។
១)គង់តែសងទេ ដូច្នេះមិនចាំបាច់មានផែនការឡើយ៖ អ្នកដឹងហើយ ខ្លួនត្រូវសងប្រាក់គេប៉ុន្តែអ្នកមិនខ្វល់ពីវា។អ្នកគិតថាអ្នកនឹងសងវាពេលដែលអ្នកមាន។ អ្វីជាការពិតនោះគឺអ្នកត្រូវមានគម្រោងច្បាស់លាស់ ព្រោះបើគ្មានវាទេ អ្នកនឹងនៅតែត្រាំត្រែងជាបំណុលគ្មានថ្ងៃដកខ្លួនរួចឡើយ។
២)បំណុលច្រើនពេក៖ នៅពេលបំណុលរបស់អ្នកច្រើនខ្លាំងពេក អ្នកគិតថាបំណុលទាំងនោះគឺមិនអាចសងអស់ឡើយ។វាជាការពិបាកដែលត្រូវសងបំណុលទាំងនោះ ព្រោះវាត្រូវការរយៈពេលយួរដើម្បីសង។
៣)អ្នកចង់ទិញអី៖ មនុស្សជាច្រើនមានការពិបាកក្នុងការបែងចែករវាងទំនិញដែលទំនើបនិងអ្វីដែលចាំបាច់។ឧទាហរណ៍ អ្នកត្រូវការរថយន្ត ដើម្បីធ្វើដំណើរទៅធ្វើការ ប៉ុន្តែអ្នកមិនត្រូវការ រថយន្តLexus ចុងក្រោយបំផុតនោះទេឬ រថយន្ត BMWឡើយ ព្រោះការប្រើប្រាស់សម្ភារៈថ្លៃពេកនឹងបង្កបញ្ហាដល់អ្នកមិនខាន។
៤)មនុស្សគ្រប់គ្នាសុទ្ធតែមានបំណុល៖ បើគិតថា មនុស្សគ្រប់គ្នាសុទ្ធតែមានបំណុល ដូច្នេះវាជាមិនមែនជារឿងធំទេ នោះវាអាចនឹងធ្វើឲ្យអ្នកកាន់តែធ្វេសប្រហែសក្នុងការរៀបចំផែនការហិរញ្ញវត្ថុ និង មិនអាចសងបំណុលគេទាន់ពេលវេលានោះទេ៕
ប្រែសម្រួល៖ អ៊ឺង មួយយូ
ប្រភព៖ moneyfor20s.about.com
