តិចនិក៤យ៉ាងក្នុងការរៀនឲ្យបានលទ្ធផលល្អ ទោះចំណាយពេលវេលារៀនតិចតួចក៏ដោយ
តើអ្នកមាន អារម្មណ៍សប្បាយចិត្តយ៉ាងណាទៅនៅពេលដែលអ្នកអាចទទួលបានពិន្ទុល្អទាំងដែលអ្នកមិនសូវជាខិតខំ រៀនសូត្រខ្លាំង ឬក៏ដាក់សម្ពាធលើខ្លួនឯង។ ការខិតខំសិក្សាខ្លាំងគឺពិតជាមានសារសំខាន់ណាស់ តែបើអ្នកអាចយល់ដឹងពីគន្លឹះខ្លះៗ ដោយមិនចាំបាច់នឿយហត់ពេក វាក៏ជារឿងល្អ។ខាងក្រោមនេះជាអ្វីដែលអ្នកត្រូវដឹង៖
១) សម្រាកអោយបានគ្រប់គ្រាន់៖ អ្នកត្រូវប្រាកដជាមួយខ្លួនឯងថាក្នុងមួយថ្ងៃអ្នកត្រូវសម្រាកយ៉ាងតិចបំផុត៧ម៉ោងតែមិនត្រូវលើសពី៨ម៉ោងឡើយ។ ការសម្រាកបានគ្រប់គ្រាន់គឺជួយសម្រួលដល់រូបរាងកាយនិងពន្លឿនសមត្ថភាពក្នុងការគិតផងដែរ។ ដូច្នេះកាលណាអ្នកមានកម្លាំងគ្រប់គ្រាន់ហើយ នោះខួរក្បាលរបស់អ្នកក៏ឆាប់ចាប់យកចំណុចសំខាន់ៗនៃមេរៀន បានយ៉ាងលឿនផងដែរ។
២) ត្រូវដឹងថាខ្លួនឯងចូលចិត្តរៀនតាមវីធីណា៖ ការសិក្សារបស់មនុស្សម្នាក់ៗ គឺមានលក្ខណៈខុសៗគ្នា។ អ្នកខ្លះចូលចិត្តសិក្សាតាមបែបស្រមើស្រមៃ ការស្ដាប់សំឡេង និងការប៉ះពាល់វត្ថុនានាជាដើម។ អ្នកត្រូវដឹងថាមួយណាដែលជួយអោយអ្នកឆាប់យល់មេរៀន។
៣) ចេះបង្រៀនអ្នកដទៃ៖ ប្រសិនបើអ្នកចង់បង្កើនការចេះដឹងកាន់តែច្រើន អ្នកគួរប្រើពេលវេលាខ្លះចែករំលែកអ្នកដទៃពីអ្វីដែលអ្នកធ្លាប់បានរៀន។ ការធ្វើបែបនេះអ្នកអាចនឹងជួយអោយការយល់ដឹងរបស់អ្នកកាន់តែខ្លាំងទៅខ្លាំងទៅ។
៤) តាំងសមាធិ៖ អ្នកគួរស្វែងរកទីកន្លែងដែលសមស្របមួយដើម្បីសម្រាកនិងតាំងសមាធិ។ ការធ្វើបែបនេះ ក៏អាចជួយសម្រាលភាពតានតឹងរបស់អ្នកបានមួយកម្រិតផងដែរ។ ពេលអ្នកមានអារម្មណ៍ថាស្រស់ថ្លាហើយ អ្នកអាចចាប់យកមេរៀនបានយ៉ាងងាយ ៕
ប្រែសម្រួល៖ព្រំសុវណ្ណកណ្ណិកា
ប្រភព៖ www.lifehack.org
