រឿង​សំខាន់ៗ​ដែល​អ្នក​គួរ​​ធ្វើ​ ​បន្ទាប់​ពី​បញ្ចប់​ម៉ោង​ការងារ​



ជា​ការ​ពិត​ណាស់​ រាល់​ថ្ងៃ​នេះ​មនុស្ស​ម្នាក់​ៗ​ខិតខំ​ធ្វើ​ការងារ យ៉ាង​ខ្លាំង​ដើម្បី​ទទួល​បាន​ជោគជ័យ។ ​​ប៉ុន្តែ​ភាព​ជោគជ័យ​ទាំង​នោះ​អាច​ទៅ​ជា​គ្មាន​ន័យ​វិញ​ប្រសិន​បើ​អ្នក​វក់​ការងារ​រហូត​ដល់​ថ្នាក់​ភ្លេច​ពី​មនុស្ស​​ជាទី​ស្រលាញ់​។​ អ្នក​មិន​ដែល​រវល់​រហូត ដល់​ថ្នាក់​​ភ្លេច​ផ្ដល់​ពេលវេលា​ខ្លះ​ ដល់​មនុស្ស​ជុំវិញ​ខ្លួន​​ទេ។ នេះ​ជា​អ្វី​ដែល​អ្នក​ត្រូវ​ដឹង៖​ ១) ចេញ​ពី​កន្លែង​ធ្វើ​ការ​តាម​ម៉ោង​កំណត់៖ ការ​ធ្វើ​ការងារ​ច្រើន​ពេក​នោះ ​ច្រើន​គ្មាន​ពេល​វេលា​​សម្រាប់​អភិវឌ្ឍ​ជីវិត​ខ្លួន​ឯង។ ប្រសិន​បើ​អ្នក​មាន​ការ​ណាត់​ជួប​ជាមួយ​នរណា​ម្នាក់​តែ​ អ្នក​តែង​ធ្វើ​ការ​លើស​ម៉ោង ។ ចុង​ក្រោយ​អ្នក​បាន​ត្រឹម​តែ​ត្រលប់​ទៅ​ផ្ទះ​រួច​ចូល​សម្រាក​តែ​ប៉ុណ្ណោះ។ ២) មាន​គ្រោង​សម្រាប់​អាទិត្យ​បន្ទាប់៖ ពេល​ខ្លះ​អ្នក​អាច​ភ្លេច​ថា អាទិត្យ​បន្ទាប់​នេះ​អ្នក​​ត្រូវ​ធ្វើ​​អ្វី​ខ្លះ ឬ​ទៅ​ណា​ខ្លះ​ ជាមួយ​មិត្ត​ភក្ដិ​ឬ​គ្រួសារ​។ ដូច​នេះ​ការ​ចេះ​រៀប​ចំ គម្រោង​នានា​អោយ​បាន​មុន​គឺ​ជា​រឿង​មួយ​ដ៏​ប្រសើរ ហើយ​អ្នក​ក៏​មិន​ចាំ​បាច់​ខ្វល់​ច្រើន​នៅ​ថ្ងៃ​នោះ​ផង​ដែរ។ ៣) និយាយ​ពាក្យ​ថា​ទេ៖​ អ្នក​កម្រ​នឹង​មាន​ពេលវេលា​ជួបជុំ​ជាមួយ​គ្រួសារ​ណាស់​នៅ​ថ្ងៃ​ចុង​សប្ដាហ៍។​ដូចនេះ​អ្នក​ត្រូវ​ចេះ​និយាយ​ពាក្យ​ថា​ទេ​ ចំពោះ​ការងារ​ណា​ដែល​អ្នក​ពុំ​អាច​មាន​ពេលវេលា​ធ្វើ​វា​បាន។ ៤) កុំ​ព្យាយាម​តាមដាន​បណ្ដាញ​សង្គម​ពេក៖ ពេល​អ្នក​ត្រលប់​ពី​ការងារ ហើយ​ចំណាយ​ពេល​វេលា​ទៅ​លើ​​​បណ្ដាញ​សង្គម​ គឺ​វា​ហាក់​ដូច​ជា​គ្មាន​ផ្ដល់​ផល​ប្រយោជន៍​អ្វី​សោះ​ដល់​អ្នក។ ជំនួស​ដោយ​ការ​ធ្វើ​បែប​នោះ​អ្នក​គួរ​ចេះ​ប្រើប្រាស់​ពេលវេលា​ ដែល​អ្នក​នៅ​សល់​ប្រចាំ​ថ្ងៃ​ជាមួយ​ប្រពន្ធ​កូន​ទើប​ប្រសើរ​ជាង៕ ប្រែ​សម្រួល៖​ព្រំ ​សុវណ្ណកណ្ណិកា ប្រភព៖ www.lifehack.org
X
5s