តើអ្នកគួរត្រៀមអ្វីខ្លះ មុនពេលសុំមនុស្សជាទីស្រលាញ់របស់អ្នករៀបការ?
ការយល់ព្រមរៀបការជាមួយមនុស្សដែលខ្លួនស្រលាញ់គឺជំហានមួយ ដ៏សំខាន់ដែលដឹកនាំគូស្នេហ៍ទាំងនោះ ទៅដល់ថ្ងៃមង្គលការ។ មិត្តស្រីរបស់អ្នក នឹងមិនអាចបំភ្លេចបានឡើយ ពីថ្ងៃដ៏មានន័យមួយនោះ។ នេះជាគន្លឹះខ្លះៗដែលបង្រៀនអ្នកពីការបង្កើតគម្រោងសុំរៀបការ៖
១) អ្នកត្រូវប្រាកដថានាងត្រៀមខ្លួនរួចជាស្រេចហើយ៖ អ្នកត្រូវចេះយល់ពីដៃគូរបស់អ្នកថាតើនាងបានរៀបចំខ្លួនជាស្រេចហើយឬនៅ? អ្នកមិនត្រូវធ្វើអ្វីតាមតែចិត្តអ្នកនឹកឃើញនោះទេ។
២) គួរត្រៀមចិញ្ចៀនសម្រាប់នាង៖ មុនពេលអ្នករៀបចំគម្រោងរៀបការ អ្នកគួរមានអ្វីមួយសម្រាប់ជាតំណាង។ ចិញ្ចៀនគឺជាវត្ថុមួយដែលបញ្ជាក់ថា អ្នកបានសុំនាងរៀបការ។ នាងអាចនឹងពាក់វាគ្រប់ពេលវេលា ហើយអ្នកដទៃទៀតនឹងបានដឹងថានាងមានម្ចាស់ចិត្តរួចទៅហើយ។
៣) មានគម្រោងច្បាស់លាស់៖ អ្នកត្រូវមានគម្រោងការអោយច្បាស់លាស់ជាមុនសិនរួចចាំ ចាប់ផ្ដើមធ្វើអ្វីមួយ។ ដូចជារៀបចំពាក្យនិង ឃ្លាអោយបានសមរម្យសម្រាប់និយាយទៅកាន់ដៃគូអ្នក។ ហើយស្វែងរកពាក្យណាដែលខ្លីៗតែមានអត្ថន័យសម្រាប់នាង។
៤) កុំព្យាយាមធ្វើវាអោយកាន់តែស្មុគស្មាញ៖ អ្នកអាចនឹងមានគំនិតល្អៗហើយប្លែកៗជាច្រើន សម្រាប់រៀបចំគម្រោងនោះ។ តែពេលខ្លះ វាអាចនាំអោយអ្នកមានការស្មុគស្មាញខ្លាំងដែរ។ ហេតុដូចនេះអ្នកត្រូវគិតថាដៃគូរបស់អ្នកត្រូវការអ្វី ហើយគួរធ្វើអ្វីដែលសាកសមនឹងស្នេហាអ្នក៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ thelibertarianrepublic.com
