អាហារទាំង៣ប្រភេទ ដែលអាចធ្វើឲ្យអ្នកមានមុខចាស់ជាងវ័យ
យោងតាមការស្រាវជ្រាវបែបវិទ្យាសាស្ត្របានឲ្យដឹងថាការញាំអាហារជារៀងរាល់ថ្ងៃរបស់យើង និង របបអាហាររបស់យើងផ្ដល់ផលប៉ះពាល់ចំពោះសុខភាពស្បែក។ ហេតុនេះហើយអ្នកមិនអាចចេះតែញាំអាហារផ្ដេសផ្ដាសបាននោះទេ ហើយអាហារទាំង៣ប្រភេទខាងក្រោមគឺជាអាហារដែលអ្នកគួរចៀសវាង ដើម្បីឲ្យអ្នកមានមុខក្មេងនិងស្បែកស្អាតជាងមុន៖
១) អាហារដែលមានជាតិផ្អែមឬជាតិស្ករច្រើន៖ ការញាំអាហារដែលមានជាតិស្ករច្រើនធ្វើឲ្យអ្នកមានភាពចាស់ជាងអាយុហើយធ្វើឲ្យស្បែកឆាប់មានភាពជ្រីវជ្រួញ។ និយាយឲ្យខ្លីទៅប្រសិនបើអ្នកទទួលទានជាតិផ្អែមកាន់តែច្រើន នោះសុខភាពស្បែករបស់អ្នកនឹងវិវត្តទៅរកភាពខូចខាតកាន់តែខ្លាំងដែរ តែនេះមិនមែនមានន័យថាអ្នកគួរតែឈប់ទទួលទានផ្លែឈើដែលមានជាតិផ្អែមពីធម្មជាតិនោះទេ។
២) គ្រឿងស្រវឹង៖ ការពិសាគ្រឿងស្រវឹងយូរៗម្ដងនៅពេលដែលមានកម្មវិធីគួរសមមិនជាថ្វីនោះទេ តែការដែលញាំគ្រឿងស្រវឹងជារៀងរាល់ថ្ងៃទើបជាបញ្ហាដែលវាមិនត្រឹមតែប៉ះពាល់ដល់ថ្លើមរបស់អ្នកនោះទេ តែវាថែមទាំងប៉ះពាល់ដល់ស្បែករបស់អ្នកផងដែរ។ នៅពេលដែលអ្នកញាំវា វាប្រហែលជាអាចធ្វើឲ្យអ្នកមានអារម្មណ៍ល្អ ហើយបំភ្លេចរឿងកង្វល់បាន តែវាជាជាតិពុលដែលជ្រាបទៅក្នុងកោសិកាពាសពេញរាងកាយរបស់អ្នក។
៣) សាច់ដែលខ្លោច៖ វាជាការពិបាកមួយក្នុងដែលញាំសាច់ដែលមិនខ្លោចសោះ តែយ៉ាងណាមិញសាច់ដែលមានខ្លោចនោះផ្ដល់ផលប៉ះពាល់យ៉ាងធ្ងន់ធ្ងរដល់សុខភាពស្បែករបស់អ្នក៕
ប្រែសម្រួល៖ តូច ម៉ាយ៉ារស្មី
ប្រភព៖ www.cheatsheet.com
