សញ្ញាទាំង៤យ៉ាង បញ្ជាក់ថាអ្នកគឺជាមនុស្សដែលមានគំនិតអវិជ្ជមាន ជាហេតុធ្វើអ្វីក៏មិនជោគជ័យ
មិនមានមនុស្សច្រើនទេដែលគិតថាខ្លួនជាមនុស្សមានគំនិតអវិជ្ជមានទេ ព្រោះថាពួកគេមិនសូវជាបានសង្កេតមើលពីអត្តចរិតរបស់ខ្លួនឯងឡើយ។ ហេតុនេះអ្នកគួរតែពិនិត្យមើលទៅលើប៉ុន្មានចំណុចខាងក្រោមនេះហើយថាតើអ្នកជាមនុស្សដែលមានគំនិតអវិជ្ជមានឬមួយក៏យ៉ាងណា៖
១) មិនឲ្យតម្លៃទៅលើភាពជោគជ័យ៖ អ្នកគួរតែពិនិត្យទៅលើប្រតិកម្មរបស់អ្នកថាអ្នកធ្វើនិងយល់យ៉ាងណានៅពេលដែលអ្នកទទួលបានភាពជោគជ័យទៅលើអ្វីមួយ។ តើអ្នកនឹងផ្ដល់តម្លៃឲ្យការខិតខំប្រឹងប្រែងរបស់ខ្លួនឯងឬមួយក៏អ្នកគិតថាវាជាសំណាង។ ភាគច្រើនមនុស្សមានគំនិតអវិជ្ជមាន មិនបានផ្ដល់តម្លៃលើការខិតខំប្រឹងប្រែងនោះទេ តែបែរជាជឿលើព្រេងសំណាងទៅវិញ។
២) សន្មតថាអ្វីមួយមិនអាចធ្វើទៅរួច៖ នៅពេលដែលអ្នកជួបបញ្ហាអ្វីមួយ មិនថាជារឿងស្នេហា ឬការកសាងក្ដីសុបិនរបស់អ្នកជាដើម អ្នកតែងតែគិតថាវាគ្មានផ្លូវអាចទៅរួចនោះទេ។
៣) ងាយក្នុងការបោះបង់៖ មនុស្សដែលមានគំនិតអវិជ្ជមានគឺតែងតែងាយបោះបង់អ្វីៗចោលយ៉ាងស្រួលមែនទែន ដោយលើកហេតុផលផ្សេងៗដើម្បីអាចឈប់ធ្វើកិច្ចការទាំងនោះ។
៤) មិនងាយនឹងអត់ទោសឲ្យ៖ មនុស្សដែលមិនងាយនឹងអត់ទោសឲ្យអ្នកដទៃ តែងតែមិនកំហឹងជាប់ខ្លួនជានិច្ចហើយធ្វើឲ្យមានការប៉ះពាល់ផងដែរនៅពេលដែលពួកគេជួបនឹងមនុស្សថ្មីដោយសារតែគេយកបទពិសោធន៍មិនល្អរបស់ពួកគេយកមកគិតជារឿយៗ៕
ប្រែសម្រួល៖ តូច ម៉ាយ៉ារស្មី
ប្រភព៖ www.cheatsheet.com
