វិន័យសំខាន់ៗដែលនាំអោយអ្នកក្លាយជាសហគ្រិនដ៏ឆ្នើម
ផ្លូវដែលនាំអោយសហគ្រិននីមួយៗឈានទៅរកភាពជោគជ័យ គឺមានភាពស្មុគស្មាញជាងការគិត របស់មនុស្សទូទៅ។ តែនេះជាវិន័យខ្លះៗដែលអាចជួយអ្នកអោយជោគជ័យជាមួយនឹងមុខជំនួញរបស់អ្នករួមមាន៖
១) ត្រូវមានការចាប់អារម្មណ៍ខ្ពស់ចំពោះអ្វីដែលអ្នកចង់ធ្វើ៖ ប្រសិនបើអ្នកចង់សម្រេចអ្វីមួយអ្នកត្រូវ តែផ្ដោតអារម្មណ៍ទៅលើវា។ ហើយព្យាយាមធ្វើវាម្ដងហើយម្ដងទៀត។ ប្រសិនបើអ្នកមានមហិច្ឆតាចង់សម្រេចអ្វីមួយ ប្រាកដណាស់អ្នកនឹងទទួលបានជោគជ័យជាមិនខាន។
២) ត្រូវចេះដាក់ខ្លួនហើយស្ដាប់អ្នកដទៃ៖ អ្នកដឹកនាំដែលមានភាពក្រអឺតក្រទមគឺមិនដែលឈានទៅរកភាពជោគជ័យបានលឿននោះទេ។ នៅពេលអ្នកចេះស្ដាប់អ្នកដទៃអ្នកនឹងទទួលបានចំណេះដឹងជាច្រើនដែលមានប្រយោជន៍ដ៏មហិមាសម្រាប់អាជីវកម្មរបស់អ្នក។
៣) ស្រលាញ់អតិថិជននិងកូនក្រុមអោយដូចស្រលាញ់ខ្លួនឯង៖ កូនក្រុមនិងអតិថិជនគឺសុទ្ធតែជាកម្លាំងដែលអ្នកមិនអាចខ្វះបាន។នៅពេលអ្នកផ្ដល់ភាពស្រលាញ់ទៅពួកគេ ។ អ្នកទាំងនោះនឹងមានអារម្មណ៍ថា ពួកគេមានតម្លៃណាស់សម្រាប់ក្រុមហ៊ុន។
៤) មិនត្រូវអោយភាពបរាជ័យគ្របដណ្ដប់លើអ្នក៖ ត្រូវគិតថាភាពបរាជ័យគឺមិនមែនជាថ្ងៃដែលសម្លាប់អ្នកនោះទេ។ វាគ្រាន់តែលេចឡើងចំពោះមុខអ្នក ដើម្បីបន្លាចនិងជំរុញអោយអ្នករាថយ។ តែ អាចអ្នកនឹងភ្ញាក់ផ្អើលថាភាពបរាជ័យគ្មានអ្វីអស្ចារ្យទេសម្រាប់អ្នកទេ ប្រសិនបើអ្នកនៅតែមានការតស៊ូនោះ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ addicted2success.com
