ត្រូវធ្វើរឿង៥យ៉ាងនេះ នៅពេលអ្នកដឹងថា ថ្នាក់លើចង់បញ្ឈប់ការងាររបស់អ្នក
មនុស្សភាគច្រើនមានកាភ្ញាក់ផ្អើលជាខ្លាំង នៅពេលដែលពួកគេបានឮពាក្យ«បញ្ឈប់ការងារ»ចេញពីមាត់ថៅកែរបស់ពួកគេ។ ខាងក្រោមនេះជាអ្វីដែលអ្នកត្រូវធ្វើឱ្យបានឆាប់រហ័សពេលដឹងថាថៅកែចង់បណ្ដេញអ្នកចេញ៖
១)កុំភ័យ ៖ ប្រសិនបើអ្នកគិតថា ខ្លួននឹងត្រូវបណ្ដេញចេញ វាជាធម្មជាតិទេដែលអ្នកភ័យ។
ប៉ុន្តែមុនពេលដែលអ្នកធ្វើការសន្និដ្ឋានណាមួយ អ្នកគួរនិយាយជាមួយចៅហ្វាយរបស់អ្នក ថាតើវាជាការពិតឬយ៉ាងណា ឬមួយវាគ្រាន់តែជាពាក្យចចាមអារ៉ាមទេ។
២)សន្ទនាជាមួយចៅហ្វាយរបស់អ្នក ៖ នេះជាឱកាសដ៏ល្អឥតខ្ចោះដែលអ្នកអាចលើកឡើងពីរឿងខ្វល់ខ្វាយរបស់អ្នក សួរសំណួរទៅកាន់មេរបស់អ្នក និងមើលថាតើមានអ្វីដែលអ្នកអាចធ្វើដើម្បីរក្សា តំណែងរបស់អ្នកដែរឬទេ។
៣)សួរចៅហ្វាយសម្រាប់មតិដ៏ស្មោះត្រង់៖ បើទោះបីជា វាមិនមែនជាអ្វីដែលអ្នកចង់ស្ដាប់ឮ ប៉ុន្តែបើមិនដឹងគឺអាក្រក់ជាងដង។ កត់ត្រានូវអ្វីដែលត្រូវការដើម្បីធ្វើការផ្លាស់ប្ដូរ។ រៀបចំផែនការនិង ពេលវេលាអោយចៅហ្វាយរបស់អ្នក។ ហើយកុំខ្លាចក្នុងការសួរសំនួរដល់កាន់ថៅកែ និងមានការអន់ចិត្តណាមួយ។
៤) កុំជឿរាល់អ្វីដែលថៅកែអ្នកនិយាយ ៖ វាជាការសមគួរក្នុងការនិយាយទៅកាន់ចៅហ្វាយរបស់អ្នក ប៉ុន្តែចូរចងចាំថាពួកគេ អាចនឹងមិនអោយចម្លើយស្មោះត្រង់អំពីការងាររបស់អ្នកឡើយ។ ដូច្នេះហើយសូមកុំជឿទាំងស្រុង។
៥)ធ្វើការអោយអស់ពីសមត្ថភាព ៖ ខំប្រឹងធ្វើការអោយអស់ពីសមត្ថភាពរបស់អ្នក នេះគឺជាអ្វីដែលអ្នកអាចធ្វើទៅបាន៕
ប្រែសម្រួល៖ អ៊ឺង មួយយូ
ប្រភព ៖www.businessinsider.com
