យុទ្ធសាស្ត្រទាំង៣ ក្នុងការចាប់យកឱកាសល្អៗ បង្កើតភាពជោគជ័យក្នុងជីវិត
តើអ្នកមានដែលសួរខ្លួនឯងទេថាអ្នកត្រូវធ្វើយ៉ាងណាខ្លះ សម្រាប់ទទួលបានឱកាសល្អៗកាន់តែច្រើនក្នុងជីវិត? សំណួរនេះគឺមានសារសំខាន់ណាស់សម្រាប់អនាគតអ្នក ដែលជាហេតុទាមទារអោយយល់ដឹងពីយុទ្ធសាស្ត្រទាំងនោះ រួមមាន៖
១) រៀនរស់នៅជុំវិញមនុស្សជោគជ័យ៖ ហេតុអ្វីបានជាអ្នកចាំបាច់នៅជិតមនុស្សជោគជ័យទាំងនោះ? នោះគឺដោយសារពួកគេមានទម្លាប់ល្អ ពោរពេញដោយយុទ្ធសាស្ត្រឈ្នះៗ និងមានបុគ្គលិកលក្ខណៈដែលគួរអោយចាប់អារម្មណ៍។ នេះហើយដែលជាយុទ្ធសាស្ត្រ សម្រាប់បង្កើតឱកាសថ្មី ៗ សម្រាប់ជីវិតអ្នក។
២) ចាកចេញពីភាពសុខស្រួលរបស់អ្នក៖ ប្រសិនបើអ្នកតែងស្ថិតនៅក្នុងកាលៈទេសៈដែលសុខស្រួលនោះ អ្នកនឹងគ្មានអ្វីរីកចម្រើនច្រើនឡើយ ព្រោះអ្នកនឹងមិនដឹងច្បាស់ថាអ្វីខ្លះនឹងកើតលើអ្នកទេ។ ប៉ុន្តែបើអ្នកសាកឃ្លាតចេញពីតំបន់នោះ អ្វីៗដែលប្លែកៗ នឹងសំដៅមកជីវិតអ្នកមិនខាន។ នេះគឺជាវិធីក្នុងការស្វែងរកឱកាសដោយគ្រាន់តែចាកចេញពីតំបន់សុខស្រួលរបស់អ្នកហើយចេញមកពិភពខាងក្រៅដើម្បីស្វែងរកឱកាស។
៣) គួរមានទម្លាប់ក្នុងរៀបចំចរិតរបស់អ្នក៖ នៅពេលអ្នកមានចរិតល្អហើយនោះ អ្នកអាចមានការគិតរួមទាំងទម្លាប់ដ៏ល្អផងដែរ។ ប្រសិនបើចេះរៀបចំចរិតអោយសមរម្យបានជារៀងរាល់ថ្ងៃនោះ អ្នកអាចផ្លាស់ប្ដូរខ្លួនឯងទៅជាមនុស្សថ្មី ហើយឱកាសថ្មីក៏នឹងកើតមានទៅលើអ្នកក៏ថាបាន៕
ប្រែសម្រួល៖ ព្រំ សុវណ្ណកណ្ណិកា ប្រភព៖ www.lifehack.org
