ធ្វើយ៉ាងណាដើម្បីលើកលែងទោសអោយខ្លួនឯងនៅពេលអ្នកមានកំហុស?
មនុស្សម្នាក់ៗតែងមានកំហុស ហើយអ្នកគួរតែរៀនលើកលែងទោសអោយខ្លួនឯងព្រោះការលើកលែងទោសនេះនឹងបង្រៀនអ្នកអោយចេះរៀនពីកំហុសនិងប្រើប្រាស់ពេលវេលាសម្រាប់កែប្រែកំហុសដែលធ្លាប់មាន។ តើអ្នកគួរលើកលែងទោសអោយខ្លួនឯងដោយវិធីណា៖
១) ផ្ដល់ទំនួលខុសត្រូវដល់ខ្លួន៖ អ្នកត្រូវទទួលស្គាល់ពីកំហុសដែលអ្នកបានប្រព្រឹត្តដោយបញ្ឈប់ការសុំទោសរបស់ខ្លួនឯង។ ហើយព្យាយាមគិតហើយគិតទៀតដើម្បីស្វែងរកផ្លូវមួយចេញពីកំហុសទាំងនោះ។
២) យកការស្ដាយក្រោយមកធ្វើជាកម្លាំងចិត្ត៖ ការសោកស្ដាយពីកំហុសដែលអ្នកបានធ្វើនោះ នឹងកាន់តែជំរុញទឹកចិត្តអ្នកអោយសម្រេចទិសដៅកាន់តែលឿន។ ការធ្វើបែបនេះវាល្អជាងការអង្គុយរង់ចាំតែទទួលយកកំហុសមកដាក់ខ្លួន។
៣) ការចេះកែលំអកំហុស៖ ការសោកស្ដាយរបស់អ្នកនឹងធ្វើអោយអ្នកមានកម្លាំងចិត្តកែប្រែកំហុសដែលធ្លាប់មាន។ រៀនទទួលយកកំហុស ហើយត្រូវចាត់ទុកថាវាគឺជាមេរៀនមួយសម្រាប់ជីវិតអ្នក។
៤) ការចាប់ផ្ដើមសារជាថ្មី៖ ព្យាយាមចាប់ផ្ដើមធ្វើអ្វីសារជាថ្មីដោយពុំគិតពីភាពអវិជ្ជមានដែលអ្នកធ្លាប់មាន។ អ្នកគួរទទួលយកបទពិសោធន៍ទាំងនោះ ហើយគិតពីអ្វីដែលអាចអោយអ្នកគ្មានថ្ងៃធ្វើកំហុសនោះម្ដងទៀតជាដាច់ខាត៕
ប្រែសម្រួល៖ ព្រំ សុវណ្ណកណ្ណិកា ប្រភព៖ www.success.com
