សញ្ញា​៦យ៉ាង ដែល​បញ្ជាក់​ថា ​អ្នក​មិនចេះ​ស្រលាញ់​ខ្លួន​ឯងទាល់តែសោះ​



  វា​គ្មាន​ហេតុផល​អ្វី​ដែល​អ្នក​ត្រូវ​​ចំណាយ​ជីវិត​អ្នក​គិត​ពី​អ្នក​ដទៃ​នោះ​ទេ។​​ ប្រសិន​បើ​អ្នក​មិន​ស្រលាញ់​ខ្លួន​ឯង​ទេ​ ចុះ​អ្នក​ណា​ទៅ​ស្រលាញ់​អ្នក​នោះ។ នេះ​ជា​សញ្ញា​ដែល​ប្រាប់​ថា​អ្នក​មិន​សូវ​ជា​ស្រលាញ់​ខ្លួន​ឯង​រួម​មាន៖ ១) មិន​ជឿ​ជាក់​ចំពោះ​ខ្លួន​ឯង៖​ អ្នក​តែង​ប្រៀបធៀប​​ខ្លួន​ឯង​​​ថា​មិន​ល្អ​គ្រប់​គ្រាន់​ដូច​អ្នក​ដទៃ​​ទេ​។​ មុន​ធ្វើ​កិច្ចការ​អ្វី​អ្នក​តែង​គិត​ខ្វាយខ្វល់​ពី​អ្នក​ដទៃ​ច្រើន​ជាង​ខ្លួន​។ ២) អ្នក​មិន​ចូលចិត្ត​បញ្ចេញ​គំនិត៖ អ្នក​តែង​គិត​ថា​គំនិត​របស់​អ្នក​គឺ​មិន​សាក​សម​នឹង​ធ្វើ​កិច្ចការ​ផ្សេង​ៗ​ឡើយ។ ហើយ​តែង​ផ្ដល់​តម្លៃ​ដល់​គំនិត​និង​ទស្សនៈ​អ្នក​ដទៃ​ច្រើន​ជាង​ខ្លួន​ឯង។ ៣) ខ្វះ​ការ​ថ្នាក់​ថ្នម​​ចំពោះ​ខ្លួន​ឯង៖ អ្នក​ត្រូវ​ចេះ​ប្រើប្រាស់​ពេលវេលា​ខ្លះ​ដើម្បី​បញ្ជាក់​ថា​អ្នក​ពិត​ជា​បារម្ភ​ និង ​ស្រលាញ់​ខ្លួន​របស់​អ្នក។ ដោយ​គ្រាន់​តែ​ចំណាយ​លុយ​ខ្លះ​ ក្នុង​ការ​ម៉ាស្សា​មុខ ធ្វើ​ក្រចក​ដៃ​ឬ​ជើង​ ទិញ​សំលៀកបំពាក់ ឬ​ពិសា​អាហារ​ឆ្ងាញ់​ៗ​។ ៤) មិន​ដែល​ផ្ដល់​ដំបូន្មាន​ល្អ​ៗ​ដល់​ខ្លួនឯង៖ នៅ​ពេល​អ្នក​ទទួល​បាន​ជោគជ័យ​ក្នុង​កិច្ចការ​អ្វី​មួយ​តើ​អ្នក ដែល​និយាយ​ពាក្យ​សរសើរ​ឬ​ក៏​លើក​ទឹក​ចិត្ត​ខ្លួន​ឯង​ដែរ​ឬ​ទេ? ពេល​ខ្លះ​ អ្នក​ត្រូវ​ចេះ​សរសើរ​ខ្លួន​ឯង​ ដើម្បី​បង្កើន​កម្លាំង​ចិត្ត​ធ្វើ​ការងារ​ជោគជ័យ​ជា​បន្ត​ទៀត​។ ៥) មិន​គោរព​ទង្វើ​របស់​ខ្លួន​៖​ អ្នក​លះបង់​ច្រើន​ណាស់​សម្រាប់​គ្រួសារ​និង​ខ្លួន​ឯង​ដោយ​អ្នក​នឹក​ស្មាន​មិន​ដល់។ អ្នក​មិន​បាន​ផ្ដល់​តម្លៃ​ដល់​ខ្លួន​ឯង​ក្នុង​ការ​ធ្វើ​បែប​នោះ​ទេ ហើយ​វា​បញ្ជាក់​ថា​អ្នក​មិន​ស្រលាញ់​ខ្លួន​ឯង។ ៦) មិន​ដែល​ផ្ដល់​ភាព​សប្បាយ​រីករាយ​ចំពោះ​ខ្លួន​ឯង៖​ នៅ​ពេល​អ្នក​នៅ​ម្នាក់​ឯង អ្នក​តែង​បណ្ដោយ​អោយ​ភាព​ភ័យខ្លាច​និង ភាព​មិន​សប្បាយ​ចិត្ត​កើត​ឡើង​គ្រប់​ពេលវេលា​។ អ្នក​មិន​ដែល​ផ្ដល់​ភាព​ស្ងប់ សុខ​ដល់​ខ្លួន​ឯង​ម្ដង​ណា​ទេ៕ ប្រែ​សម្រួល៖​ព្រំ​ សុវណ្ណកណ្ណិកា ប្រភព៖ www.lifehack.org
X
5s