អ្នកវិទ្យាសាស្ត្រនិយាយថា អ្នកមិនគួរមុជទឹករាល់ថ្ងៃពេកទេ
វាពិតជាចម្លែកណាស់នៅពេលអ្នកនិយាយប្រាប់គេថាអ្នកមិនមុជទឹករាល់ថ្ងៃនោះ។ ប៉ុន្តែអ្នកមានដែលគិតថាតើយើងពិតជាចាំបាច់មុជទឹករាល់ថ្ងៃដែរឬទេ? ខាងក្រោមនេះនឹងស្រាយបំភ្លឺដល់អ្នកអោយបានដឹងច្បាស់៖
លោកវេជ្ជបណ្ឌិតCasey Carlos ដែលជាជំនួយការសាស្ត្រាចារ្យម្នាក់នៅឯសាកលវិទ្យាល័យ the University of California San Diego School of Medicine បានបង្ហាញថា៖ «ការមុជទឹកច្រើនពេកគឺមិនល្អសម្រាប់សុខភាព អ្នករាល់គ្នាទេ។»
លោក បានអះអាងថា រាល់ពេលមុជទឹកអ្នកនឹងប្រើប្រាស់សាប៊ូដើម្បីសំអាតរាងកាយអ្នក។ យូរៗទៅស្បែករបស់អ្នកនឹងប្រែទៅជាស្ងួតហើយមានសភាពគ្រើម។ អ្នកគួរដុះសាប៊ូនៅបរិវេណក្លៀក ក្រលៀននិងជើង បានហើយ។ ចុះកន្លែងដទៃទៀត? ពិតប្រាកដណាស់ដើមទ្រូង ជើង ដៃ និងស្មារបស់អ្នកអាចមានសមត្ថភាព សំអាតដោយខ្លួនវាបាន ដោយមិនចាំបាច់ដុះសាប៊ូ។
គាត់ក៏បានបន្ថែមទៀតថា ប្រសិនបើអ្នកប្រើប្រាស់សាប៊ូញឹកញាប់ពេក ស្បែកស្រទាប់លើរបស់អ្នកនឹងមិនងាយដុះ ហើយបាក់តេរីសំខាន់ៗដែលចាំថែរក្សាស្បែករបស់អ្នកក៏អាចបាត់បង់ផងដែរ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ www.lifehack.org
