អាហារទាំង៥ប្រភេទដែលធ្វើឲ្យធ្មេញរបស់អ្នកភ្លឺថ្លា និង មានសុខភាពល្អជាងមុន
អ្វីដែលអ្នកទទួលទានរាល់ថ្ងៃ មានផលឥទ្ធិលដល់សុខភាពរបស់អ្នកជានិច្ចមិនថាល្អឬមិនល្អក៏ដោយវាក៏ជាផ្នែកមួយសម្រាប់កំណត់ពណ៌ធ្មេញរបស់អ្នកដែរ។ ខាងក្រោមនេះគឺជាអាហារដែលអ្នកគួរតែដឹងថាវាអាចធ្វើឲ្យធ្មេញរបស់អ្នកសភ្លឺថា្លជាងមុនបាន៖
១) អាហារស្រួយ៖ ប្រភេទអាហារដូចជាការ៉ុត ផ្លែប៉ោម និងត្រសក់ជាដើមដែលតម្រូវឲ្យមានការទំពាច្រើនហើយក៏ជាជំនួយក្នុងការលាងសម្អាតធ្មេញផងដែរ។
២) បន្លែបៃតង៖ បន្លែបៃតងពោរពេញទៅដោយវីតាមីន និង សារធាតុរ៉ែហើយមានកម្រិតកាល់ឡូរីទាប។ អាហារទាំងនេះមានប្រភេទវីតាមីនBដែលអាចជួយព្យាបាលជំងឺនៅអញ្ចាញធ្មេញជាពិសេសសម្រាប់ស្ត្រីមានផ្ទៃពោះ។
៣) ទឹក៖ ការទទួលទានទឹកជាច្រើនជាប្រចាំអាចធ្វើឲ្យធ្មេញរបស់អ្នកមានភាពរឹងមាំ។
៤) តែ៖ តែជាសមាសធាតុដែលត្រូវបានគេរកឃើញសារជាតិpolyphenolsនៅក្នុងតែបៃតងហើយវាមានតួនាទីដើម្បីពន្យឺតការរីកលូតលាស់នៃបាក់តេរីដែលមានទំនាក់ទំនងជាមួយនឹងអញ្ចាញធ្មេញនេះ។ លើសពីនេះទៀតវាជួយលាក់បាំងក្លិនមាត់មិនល្អផងដែរ។
៥) ប្រូតេអ៊ីនគ្មានជាតិខ្លាញ់៖ ប្រូតេអ៊ីនគ្មានជាតិខ្លាញ់មានផូស្វ័រច្រើនដែលជួយការពារធ្មេញហើយប្រូតេអ៊ីនមាននៅក្នុងសាច់មាន់ អាហារសមុទ្រ និងស៊ុតជាដើម៕
ប្រែសម្រួល៖ តូច ម៉ាយ៉ារស្មី
ប្រភព៖ www.cheatsheet.com
